قالت أحبه وريده مهما يصير

من طرف فارس الأزهر الأحد يونيو 15, 2008 1:39 pm

قالت أحبه وريده مهما يصير

ولايمكن أتفارق أنا وياه

والله لو تعلم كم له من الحب والتقدير

ولو ينذكر أسمه كن روحي تفز وياه

قلت يابنت أنتي بعده عمرك صغير

وبعده قلبك صغيرْعلى خفاياه

قالت لاتلومني ويكفي نصايح وتبرير

أظن أنك ماتعرف الحب كيف محلاه

ولاظن أنك تعرف أتهيم فيه وطير

حبه سكن في روح قلبي وحناياه

قلت العفو يابنت يكفي تجريح وتحقير

من كلامج خطر دمي ينفجر من خلاياه

يابنت الحب أنولد ونا طفل أصغير

وعشت وربيت وكبرت أنا وياه

ويا كم عيوني ذاقت منه التحسير

قالت محد يحسبي وتفاهم أنا وياه

ولاحد يهتم ويعطيني مجال وتعبير

لقيته وكن الزمن جادبي من عطاياه

وكن حلم حلمته ولاودي ينتهي ويسير

قلت وين الفايده وغيرج يسكن وياه

ووجودج في حياته له مشكله وتأثير

قالت ما تخيل حياتي بدونه وبلياه

ألانسان دون قلبه في رايك يصير

قلت لاخير في قلب يجيب المذله وياه

ولاخير في حبيب يحبني بتزوير

يابنت لازم تفكرين وتعيشين فرقاه

ولازم حبه تسويله تسفير وتصدير

وصدقيني الزمن مابيوقف عند هجره وذكراه

ولا حبه فقلبج بيظل مسجون أسير

بس شدي عزومج وتوكلي على لله

تراه ماكل من شل طير قال أنا صقير

ولاكل رماين للهدف صابه وتعداه

وياكم عاشق روح طريح المقابير

وياكم واحد تندم على هجر مظناه

دروب المحبه لينت قلوب متحجره تحجير

وياكم قلب تحجر ولاتدري بنواياه

تعيشين قصه في زمن الاساطير

عنوانها أزرع الحب وغيري تعدا وجناه

((( تحياتي )))