قصة بنت مدمنة على النت...

من طرف a7la moshaksa الثلاثاء يونيو 17, 2008 7:53 am

هذي قصه بنت اسمها سارة مدمنه على النت وكانت ما تسكر النت إلا الساعة 4بالليل:
>في يوم من الأيام أضافها واحد ومسمي حاله ( الامبراطور ( المهم مر أسبوع وهي ودها تعرف مين هذا بعد ثلاثة أيام دخل هو الماسنجر وشافته طبعا انبسطت عشان بتفتح تحقيق
>هو : الامبراطور :
>هاي
>هي سوسو :
>من أنت ومن وين عرفت ايميلي وش حقه أضفتني ومين أعطاك الايميل...الخ
>الامبراطور:
>بسم الله شوي علي
>سوسو :
>سلامتك ماني صارعتك يا لله بسرعة جاوب
>الامبراطور :
>ليش أنتي بنت
>سوسو :
>إيه عندك مانع
>الامبراطور :
>لا بس أنا غلطان أختي لأني كنت بضيف صديقي وطلع الايميل غلط
>سوسو :
>وليش تغلط عمي ما تشوف
>الامبراطور :
>أختي قلنا آسف عن الغلط من البداية ماسكتها تحقيق معي
>سوسو :
>اجل تضيف بنات الناس وما تبغا حد يحقق معك والله شباب فاضي ما عندة سالفة
>الامبراطور :
>أقول أختي فرصه سعيدة وآسف مرة ثانيه وممكن انك تحذفيني أو تحضريني إذا مش عاجبك الوضع
>سوسو :
>يعني ايش تقصد
>الامبراطور :
>اقصد مع ألف سلامه
>سوسو :
>ليش ما اعتقد كلامي يزعل
>الامبراطور :
>لا بس أنا مشغول شوي بآي
>سوسو :
>لحظه لحظه
>الامبراطور :
>هلا تآمرين بشي
>سوسو :
>لا سلامتك بس ما قلتلي ايش اسمك
>الامبراطور :
>هههه ليش مهم
>سوسو :
>وليش الضحكة ما اعتقد كلامي يضحك
>الامبراطور :
>لا أبدا لاكن كلامك بالبداية غير وهذا غير
>سوسو :
>طيب آسفة على السؤال بآي
>الامبراطور :
>بآي
>وضلت سارة حاقدة عليه لأنه استفزها وما أعطاها وجه ومر يومين وما شافته بالنت طبعا مدة طويلة لوحدة تطول بالنت المهم لما دخل على الماسنجر على طول هي إلي بدت الكلام
>سوسو :
>مرحبا
>الامبراطور :
>مراحب
>سوسو :
>كيف الحال
>الامبراطور :
>بخير
>وبعد صمت طويل
>سوسو :
>آسفة الظاهر انك مشغول وأنا عطلتك
>الامبراطور :
>لا أبدا حبي لا كن أنا اشتغـل على البحث حقي وما ادخل الماسنجر كثير
>سوسو :
>وشو حبك حبتك القرادة قول إنشاء الله
>الامبراطور :
>وش فيك انقلبتي
>سوسو :
>بس بأي صفه تقول حبي الشرهة على إلي يكلمك مش عليك
>الامبراطور :
>سوري آنا آسف وحقك علي
>سوسو :
>سوري ولا لبناني مايهم وهذي آخر مرة تقول ذا الكلام
>الامبراطور :
>طيب يا صاحبه السمو أوعدك ما أعيدها
>سوسو :
>الـــله عجبتني كلمه صاحبه السمو كذا الكلام وإلا بلا
>الامبراطور :
>خلاص من اليوم ورايح راح أناديك صاحبه السمو وش تبغين أكثر من كذا
>سوسو :
>طيب أنا ايش أناديك
>الامبراطور :
>هههههه حلو ذكائك أنا ناديني باسمي خالد
>سوسو :
>واااو اسمك جنان حلو مررة حلو مش مثلي طاح حظي
>الامبراطور :
>كل واحد اسمه حلو و لايق عليه
>سوسو :
>ليش مش حاب تعرف ايش اسمي
>الامبراطور :
>على راحتك إذا حابه تقولي قولي وإذا مش حابه اكتفي بصاحبه السمو
>سوسو :
>طيب كم عمرك شكلك مش كبير
>الامبراطور :
>عمري 25 سنه
>سوسو :
>العمر كله بس صغير... على فكرة أنا اسمي سارة وعمري 18
>سوسو :
>أقول وش رأيك... أنا معي شله بنات نضيفهم بالمحادثة وندردش
>الامبراطور :
>لالا أنا مثل ما قلتلك عندي بحث ولازم أخلصه يله بآي
>سوسو :
>براحتك بآي
>وضلت سارة دوم تفكر فيه وبعدها ضل لمدة ثلاثة شهور ما يدخل النت البنت جنت وقالت أكيد شاف له شوفه ثانيه وضلت تفكر فيه لاكنها كانت تقول دوم هو غير الشباب اللي بالنت هو غيرهم كلهم.. واحد ثقيل ما يهمه البنات كثير... وبعد أسبوع
>الامبراطور :
>يا مساء الخير والإحساس والطيبة
>سوسو :
>آهلين وينك يا القاطع
>الامبراطور :
>سلامتك لاكن الاختبارات ما ترحم وهذي آخر سنه لي
>سوسو :
>الله يوفقك
>الامبراطور :
>وحشتيني مووت
>سوسو :
>أنت أكثر
>الامبراطور :
>صدق تتكلمين ؟ ما اعتقد
>سوسو :
>والله ما اقدر على فرقاك جد أتكلم شوف لك صرفه
>الامبراطور :
>خلاص أنا عندي حل يرضي كلا الطرفين
>سوسو :
>ايش هو ؟
>الامبراطور :
>ايش رأيك أعطيك رقم جوالي وإذا حبيتي تشوفيني بالنت أو وحشتك مثل ما تقولين أرسلي بس رسالة لي
>سوسو :
>نعم نعم نعم لا منت صاحي ولا تفكر بيوم إني مثل البنات اللي أنت تكلمهم أنا بنت ناس ومتربية وو .....
>الامبراطور :
>والنعم لاكن أنا ما قلت بكلمك قلت أرسلي رسالة و يصير خير
>سوسو :
>خلاص غير الموضوع بسرعة
>الامبراطور :
>اوكي لا كن هذا رقمي إذا حبيتي تشوفيني مرة ثانيه بالنت أرسلي بس رسالة .. هذا الرقم (××××××××××)
>سوسو :
>طيب بآي
>الامبراطور :
>بآي
>طبعا سارة أخذت موقف من خالد لاكنها ولشدة فضولها سجلت الرقم المهم بعد كم يوم اشتاقت تكلمه أو بالأخص عندها موضوع حبت تقوله عنه فكرت وفكرت ايش تسوي أو كيف تشوفه بالنت فقالت لنفسها : ليش ما أرسله رسالة مثل ما قال هو ما بيكلمني ولا أنا راح اكلمه ...المهم كتبت برسالتها )) خالد معليش لو سمحت تدخل النت ضروري(( المشكلة انه مارد عليها مرت نص ساعة على ذا الوضع انقهرت البنت وأرسلت رسالة )) معليش آسفة على الإزعاج ((وكرهت نفسها بعد هذا الموقف إنها تصورت انه مطنشها وبعد أيام شافته بالنت ولا كلمته وضلت على هذا الوضع ربع ساعة ملت وتنازلت إنها هي اللي تبدأ بالكلام
>سوسو :
>السلام عليكم
>الامبراطور :
>هلا والله
>سوسو :
>لو سمحت احذفني من عندك وما عاد أشوف رقعت وجهك بالماسنجر
>الامبراطور :
>اللهم سكنهم ايش اللي صار
>سوسو :
>بعد الحركة اللي سويتها معي ماودي أكلمك أو حتى أشوفك بالقروب حقي
>الامبراطور :
>ليش لا سمح الله أنا ايش سويت
>سوسو :
>لا أنت برئ ما تسوي شي بس طنشتني وأنا كنت محتاجه لك ذاك اليوم
>الامبراطور :
>أي يوم
>سوسو :
>اقصد الرسايل اللي أرسلتها لك لا تستهبل خويلد
>الامبراطور :
>آآآة تقصدين حقت النت
>سوسو :
>أية هي ليش ما دخلت النت أو حتى قلت انك مشغول
>الامبراطور :
>لا عمري أنتي فهمتي غلط أنا افتكرته واحد من الربع مطلع رقم جديد
>سوسو :
>لا بس أنا آسفة وهذي آخر مرة.. كانت لحظه طيش
>الامبراطور :
>عمري لا تقولي هذا الكلام وثاني شي أنتي قلتي انك ما تبغين الرقم آخر مرة شفتك فيها
>سوسو :
>طيب قلت لك إنسا الموضوع
>الامبراطور :
>طيب ايش هو الموضوع المهم إلي كنتي تبغين تقولينه
>سوسو :
>خلاص ماله داعي
>الامبراطور :
>بتقولين ولا كيف ؟؟؟؟ تراني عصبت
>سوسو :
>كل ما في الموضوع إن أنا خطبني محمد ولد عمي طيب وأنا ما أحبه ولا اطيق أشوف رقعت وجهه وأهلي موافقين كلهم وأخاف ارفض وعمي يزعل من بابا
>الامبراطور :
>والمطلوب
>سوسو :
>انصحني
>الامبراطور :
>شوفي أنا ماني سريع بالكتابة يعني راح اتصل عليك وأقولك رأيي لان الموضوع باين عليه طويل
>سوسو :
>لااااااااا مجنون أنت
>الامبراطور :
>يا بنت الناس ماني مآكلك وثاني شي أنتي لا تتكلمين أنا بس اللي راح أتكلم اوكي
>سوسو : وبعد تفكير ..
>طيب لاكن أنا ما بقول ولا كلمه
>الامبراطور :
>اوكي
>بعد ثواني ...تررررن ( نغمه راشد )
>خالد : الوو مرحبا
>سارة :...... (صامته البنت تستحي(
>خالد : طيب قولي مرحبا أنا كذا ما اعرف أكلمك وأنتي ساكتة يعني كأني مجنون اكلم نفسي
>سارة : (( بلا شعور )) لا سلامتك
>خالد : الله يسلملي ها لصوت الحلو
>سارة : (( لا تعليق ((
>خالد : اوكي ما راح أطول عليك أنتي قلتي انك ما تحبينه ممكن اعرف السبب
>سارة : ضروري تعرف
>خالد : أكيد عشان أقولك رأيي
>سارة : سارة طبعا بلا شعور .. لأنه واحد معقد وتافهة وماعندة سآلفه
>خالد : يمه منك كذا على طول خليتيه معقد ؟ أكيد في سبب
>سارة : لا بس من طريقه كلامه وأسلوبه وثاني شي شايف عمرة مدري على ايش كأنه مافي حد درس جامعه غيرة
>خالد : يعني المثقف عندك معقد أو مغرور أنا طيب مهتم بدراستي فوق ما تتصورين
>سارة : لاااااا عاد أنت غير
>خالد : من أي ناحية
>سارة : كلك على بعضك حلو
>خالد : احم احم كله من ذوقك يا عسل
>سارة : تسلم ( قالتها بكل خجل )
>خالد : المهم إذا كنتي لهذي الدرجة ما تحبينه خلاص ارفضي والي يصير يصير
>سارة : طيب ممكن طلب
>خالد : آمري
>سارة : ممكن ترسلي صورتك
>خالد :هههههه لا طبعا
>سارة : طيب آسفة
>خالد : لا عمري لا تزعلين لاكن أنا من جد مش وسيم وأخاف تنصدمين
>سارة :طيب اوصفلي نفسك
>خالد : احم احم طبعا أنا قصير اسمر شعري كشه على قولكم انتوا البنات
>سارة :ههههههههه وش دعوة
>خالد :طيب هذا ابن عمك حلو
>سارة : ياي يجنن تخيل طويل وابيض عيونه عسلية وشعرة ناعم مثل جواد العلي
>خالد : هههههه هذا اللي قاطع قلبكم يا لبنات جواد وطـقـتـه
>سارة : لا بس ما شاء الله عليه كثير وسيم يمكن أحلى مني بعد
>خالد :ليش أنتي مش حلوة
>سارة : لا قمر وأحلى من القمر بعد لا كن أنا متواضعة
>خالد : هههههه واضح متواضعة
>سارة : اووو خالد الساعة 2 الوقت سرقنا وأنا عندي بكرة مدرسه
>خالد : اوكي عمري ما أطول عليك لاكن بكرة بس اجلس الصباح راح أدق عليك اوكي
>سارة : اوكي مع السلامة
>خالد : تصبحين على خير
>جلست سارة الصبا ح وهي متأخرة على الدوام وطبعا أعطوها حرمان من الحصة الأولى جلست بالساحة تفكر بخالد وفجأة رن الجوال ( نغمه راشد )
>خالد : الو
>سارة : الوووو
>خالد : يسعد لي ها لصباح
>سارة : هلا والله الطيب عند ذكرة
>خالد : مشاء الله كنتي تفكرين فيني ولا كلام بس
>سارة : أنت ايش شايف
>خالد : ماقلتيلي ما عندك كلاس الحين
>سارة : لا عندي بس حرموني منها لأني رحت متأخر
>خالد : اوووف ما عاش من يزعل عمري
>وضلت سارة وخالد على هذا الحال كل يوم تكلمه ولا تفوت أي شي إلا وتقوله له ورجع في يوم من الأيام ولد عمها وتقدم لها للخطبة لاكن أهلها هذي المرة غصبوها على الموافقة ووافقت بعد تردد وتفكير طويل
>واتصل خالد :
>الووو عمري كيف الحال
>سارة : هلا حياتي كيفك
>خالد : تمام
>سارة : خالد بقولك على شي متعبني
>خالد : ايش هو لا يكون تعبانه أو مريضه
>سارة :لا حياتي لا كن ولد عمي رجع خطبني مرة ثانيه وأهلي غصبوني عليه
>خالد : طيب ( يعني ايش (
>سارة : يعني أنا وافقت عليه وصار خطيبي وبعد أسبوع كتب كتابي عليه
>خالد : طيب تحبين اخطبك
>سارة : أنت تتمسخر ( تقولها وهي تبكي (
>خالد : لا عمري لاكن ليه تبكين
>سارة : لأنك آخر واحد فكرت انه يتمسخر علي
>خالد : طيب أقولك على سري اللي ما قلته لحد قبلك
>سارة : ايش هو
>خالد : أنا كمان خاطب بنت قرايبنا
>سارة : ايش وليه ماقلتلي لهذي الدرجة أنا رخيصة ووو...
>خالد : أنتي وش فيك صبر علي
>خالد : آة وعلى فكرة اسمها سارة وعمرها 18 وهي بنت ولا كل البنات
>سارة : ايش تقصد ؟
>خالد : اقصد يا عمري أنا اسمي محمد ولسه متخرج وخاطب بنت عمي سوسو
>سارة : (بدون شعور سكرت بوجهه السماعة )
>واللي صار إن خالد اللي تكلمه قبل هو نفسه محمد ولد عمها .... المهم بعد ما عقد قرانهم جا عشان يشوفها ويجلس معها
>هي كانت تبكي وتقوله: ليش سويت كذا فيني حرام عليك
>قال لها: لأنك كنتي ما تحبيني وخليتك تحبيني غصب صح
>قالت له : صح
>وتبادلوا الضحكات وعاشوا حياة سعيدة ....

( الـقـصـة حـقـيـقـيـة )
__________________